第二日我地就出發去民丹島。民丹島屬印尼領土，但由新加坡統治，而不少外國人都中意到島上打Golf。由新加坡來往民丹島既交通工具主要係新加坡丹娜美拉碼頭（Tanah Merah
Ferry Terminal）既船，船程55分鐘，同香港去澳門差唔多。前往丹娜美拉碼頭方法：機場搭的士或係MRT丹娜美拉站搭巴士或的士，呢兩個方法最近。 記住上網book定位，print張receipt出黎去check in就得。
碼頭內景
Check-in時行李可以寄倉，之後記得keep好boarding pass。佢另外會比張飛你回程時要用，一定要keep好。
係碼頭入面既小食亭買左碗叻沙同Kaya，味道不過不失。
到達民丹島後，我地隨即上左酒店既巴士。我地住既係Nirwana Beach Club，佢同Nirwana Gardens係同一個集團，係同一個渡假村入面，唔同既地方係Nirwana Gardens面對海景，較豪華，價錢亦較貴。不過想體驗地道既林屋生活既話可以試下Nirwana Beach Club，價錢大約 $600 HKD一晚。
Nirwana係民丹島上最大既resort，設施亦十分完備，包括各種康樂活動，泳池，spa，massage，體驗活動等，我地係resort入面留左兩日，夠玩。如果想出去行下既可以去附近既Pasar Oleh Oleh市集，resort入面入專車接送（SG 10蚊一位），另外都可以去80km外既民丹島首府丹戎檳榔，不過resort入面冇專車，應該要call的士。
呢間係我地住既屋，一間獨立屋分為兩邊房，屋內都幾乾淨，冇蚊蟲。不過夜晚時候屋外會有好多蚊蟲「鹽蛇」，出入要快!
由屋外行大概5分鐘即到海灘，美景時間:):)
真係水清沙幼，除左海灘漫步外亦可進行各式上水活動。
仲可以係沙灘上歎下massage！不過聽員工講呢ｄ比較貴，resort centre入面會平d。
直望地平線既泳池*V*
resort每日有活動時間表，定時舉辦唔同類型既康樂活動，例如沙灘排球，足球等，住客可walk-in一齊玩。
黃昏夠哂浪漫，夜晚會有BBQ大會，可以一邊飲酒食野，價錢 SG38蚊任食
BINTAN的確係好多人去新加坡會MISS左既好地方
想RELAX既真係唔去唔得呀!!
我地o係BINTAN stay左3日2夜!
第2日就去左騎大象同逛逛市場!
下篇繼續share!
沒有留言:
張貼留言